CONCEPT AND PRINCIPLES (Pedsabutan endo su Paninindegan)
* Su gubirno nu Pilipinas (GRP) endo su Moro Islamic Liberation Front (MILF) na nagayon endo tinalima nilan su kawagib u uman e embatan a Bangsamoro endo mga talainged a taw sa Mindanao na makilala silan endo matalima sa mga Bangsamoro. Su bayabaya nu mga talainged sa kapamili nilan na pagadatan.
* Su kagkibil kanu pagingedan na nataratanto kano mga Bangsamoro sabap sa silan e nauna maginged lon a nakapusaka kanilan o mga kaapuan nilan ganat sa ganatan.
* Su dua a nagayon na tinalima nilan e su pusaka a pagingedan na kena kaped kanu lupa nu gobirno ugaid na malangkumin su mga pusaka, nadtumpukan,endu su nalayaman a mga lupa, lagat endo mga ig endo kalupan taman sa langunu mga kakawasan a natagu lun a egkagkibilan nilan sa nalayaman den.
* Su dua a nagayun na tinalima nilan su kawagib kanu kakamal o mga Bangsamoro a mindalid ebpon kanu pusaka a kinapaginged a nakanggulalan o mga Sultan sa Sulu, Maguindanao endu su pat a pangampong ko Ranaw. Siran bania su mga tao a aden lun e kasangkapan sa pidtalu a kapaginged, nawna silan a maginged aden atulanin, dalpa endu nakaupakat silan kanu mg aped a dalpa.
* Su dua a nagayon na tinalima nilan su Bangsamoro Juridical Entity na ya aden bagelin endo kawagibin kanu pusaka a dalpa endo su pusaka a kalupan.
TERRITORY (Pagingedan / Lama Lama)
* Su pagingedan o Bangsamoro endo su lamalama nin na namba su kaslanan o lupa endu su lagat, su ig, su sambel, su kawangkawangan sa pulo nin a langkomin su Mindanao –Sulu- Palawan. Ugaid na su mga edtamanan na nadalem kano pinagayunan.
- Su dua a nagayon na tinalima nilan e nia taldas / unayan o Bangsamoro Juridical Entity (BJE) na su kapapantagan a lamalama nu ARMM apeg lun su mga munisipio nu Baloi, Munai, Nunungan, Pantar, Tagoloan, endo Tangkal lusa Lanao Del Norte a tinemendo sa masakop silan o ARMM kano 2001.
- Su gubernu na nia makapangaden sa kaidsa kano madakel a tao sad alma 12 ulan lukano mga inged a nalabit kano mapa a Category A.
- Su Bangsamoro Juridical Entity (BJE) na aden kibilin kano katiakapin, kangginotin, kapaudsolin, kaparihalanin, kausalin endo kambalanggianin kano langunu mga kakawasan a nadalem kanu lagat taman sa 15 kilometer ebpon kano dedsan no Bangsamoro Juridical Entity.
* langunu pagingedan a sakup u BJE sa Mindanao endu su mga pulopulo a masupeglon apeg u Palawan endu Sulu a nakilala endu nakasenggay a pusaka a pagingedanu mga Bangsamoro na mapakay a umbalen a kamalan nilan asal mambo na makanggulalan su kadsasalpeng u mga taw endu kapagadat endu kaparihala kano mga kawagib kano kamamanusiay, kakamal, kapaguyag endo adapt betad nilan.
RESOURCES (Tamuk / kakawasan / kawyagan)
* Su Bangsamoro Juridical Entity (BJE) endo su gubirno na nagayun sa kambad ilan sa pagayunan nilan ebpun kanu pantialian a makua kanu kausal endo kapasundol kano kakawasan a makangguna su BJE.
* Su Bangsamoro Juridical Entity (BJE) na daludaya kano kaludepin sa pagayunan pantag sa liyu na inged, asal mambo na su namba a pagayunan na dili makabinasa kano Pilipinas, sarta mambu na su gobirno na niabon makanggulalan kano parihala kano dalpa ebpon sa lio na inged.
* Su kambad o BJE endo su gobirno ebpopn kano langono mapantiali na 75%-25% sa nia masla na kano BJE.
* Su pakambuko nu mga Bangsamoro ebpon kano dala kawagibin a kinailang o mga lupa endo tamukilan endo su kinamiskin nilan na matalima. Upama ka dili den mapakay a makambalingan silan na mumbal su gubirno sa ukit a kabayadan su mga tao a Bangsamoro.
* Su dua a nagayun na tinemalima sa mangagan a kapasundul kanu nangapasadan sa makapangaden sa lima kataw a aden sabot nin sa pidtalu a kapasunggod kanu kapaguyag-uyag taman den sa kanu kagkulta sa mabaloy a manguluan kanu kapaiseg lun nasu Bangsamoro Development Agency (BDA) sa maaden lun su pidtalu a kadsabutay na endu kadtabangay kanu mga galbekan.
GOVERNANCE (kakamal / kapaginged)
Su kakilala endo su malilintad a kaimasad kano guligaw na makaukit sa kapamagadaya kano mga Bangsamoro a dala kadtegela ka endo maaden sa mananalusan sa mapia endo kaukan su mga bago a ukit a tanikiasa a makasumpat kano kahanda nu mga Bangsamoro.
* Nia tidto a kahanda kano kapapedtakna kano Bangsamoro Juridical Entity (BJE) na endo maparihala su mga ginawa nilan endo su mga mauliatao nilan, endo maparihala su mga tamok endo su mga kakawasan ilan salta na endo makapatindeg e ukit a kamal a makadsugata endo matalima nilan a mga tao. Su dua a nagayon na pagadatan nilan su bayabaya sa kapamili nu mga talainged a mga tao.
* Su du a mimbitiala na nagayon sa kapangenggat sa mga dalpa a manuliman endo edtapik kano kanggulalan kano “langkon pangolima a kapsadan”a ya makanggulalan kano pinagayunan.
*su kabpantagaya nu gobirno endo su Bangsamoro Juridical Entity (BJE) na kapagawida sa nadtumpukan a bagel endo su kanggulalan sa gobirno a kumamal, mangumbal sa atulan, endo mangukom a aden bagelin a sia matun kano “langkom pangolima a kapasadan” apiya ngin a nadalem kano MOA-AD a nasisita e ka umbayan nu sagugunay a pangitaban na mapakay bun ugayda siya pan kanu ulian u kapirma kano langkum pangulima a kapasadan, salta mambo na endubu dinin mabinasa su langon u nawna a napamagayunan.
* Su dua a mimbitialay na nagayon sa su Bangsamoro Juridical Entity (BJE) na mapakay a mumbal, mapaudsol endo embalay sa mga kasangkapan mana su kanggalbek sa opisina, kapamili sa kumamal, kadtatamukan endo bangko, kapangagi, kaumbal sa atulan, kapaguyag-uyag, temuganol sa kalilintad, mapanggulalan sa hukuman endo taguan kano mga nakadsala a makapaudsol kano kapaginged o Bangsamoro a sia pan madsinantal kano kambitiala kano “langkom pangolima a kapasadan”
Terms of Reference: (Unayan o Bityala)
* Tripoli Agreement on Peace between the GRP and the MILF on June 22, 2001 which provide the framework and guidelines for the conduct of peace negotiations and a shift from the All-out war to the All-out peace policy of the government.
* Tripoli Agreement between the GRP and the MNLF on December 23, 1976 granting autonomy to 13 provinces in Southern Philippines. * Final Agreement on the Implementation of the 1976 Tripoli Agreement on September 2, 1996.
* Republic Act 6734 in 1989 establishing the ARMM under President Corazon Aquino amended by Republic Act 9054 in 1998 under President Fidel Ramos.
* Republic Act 8371, the Indigenous People’s Right Act of 1997 which recognized the Indigenous Peoples as distinct people and acknowledged ownership of land on the basis of native title since time immemorial.
* The United Nation Charter of 1946 adhered to by the 184 members thereof.
* United Nations Universal Declaration on Human Rights.
* International Humanitarian Law.
U kaliliniyan nengka e kawmanan su kasabut nengka kano MOA-AD na
